Organisasie

Iddere vereiniging is aafhankelik van vreejwillige beejdrages van minse. In ôs geval minse die hert hebbe veur de vastelaovend en veur De 3-kes. De 3-kes is ontstaon oét 'n vrindeklupke, maar de "wietz" is aardig oét de hand gelaupe. Op dit moment is d'r gen sprake mier van 'n grepke, maar wuurt d'r jaor in jaor oét hard gewerk aan 'n serieus initiatief. Heej veur kin De 3-kes altiéd minse gebroéke.

Wils dich, dich inzette veur de Vastelaovend in de gemeinte Venlo dan bisse beej ôs aan 't gooje adres. Neem röstig kontak mit ôs op. De 3-kes besteit oét 'n aantal kemissie wao baove 'n bestuur steit. Meschiens zit d'r waal 'n leuke kemissie veur dich tösse.