Groët Venloosche Nar 2010
Ralph (I) Nissen (Belvend)
                                                                                       Ik, Nar Ralph I
Ridder lakschoon van stiéldans wies polonaes
Graaf ik was mien haor mit losse hand
Lord lange lat, maar leever de apres ski
Keuning van waterpomptang wies koppelstëk
Opper-beschermhiër van zien eige vleis en blood
Meister komiek in ’t laote spraeke van zien liéf
Beej de onwiésheid van de Spraeker, de Narre-adjudant, de regelaer en eur
onwiéze gezelschap, as zevende Nar van Groöt Venlo nieje stiél in ‘t jaor 2010,
gaef te verkinne en te verstaon det:
1.Ik de iërste Nar oét ’t Belhamelsriék bin,
En auk de iërste Nar mit ’n eige gezin.
2.Oétbundig danse dees waeke gen probleem is,
Mit aswoensdaag is det toch weer geschiedenis.
3.’n Internetverbinding vanaaf noow euveral is gewins,
Umdesse dan non stop nao De 3-kes radio luustere kins.
4.Weej Arce, Lomm & Velde neet gaon vergaete,
En heej persuunlik de joeksigheid gaon maete.
Onder ’t motto:
"Det klink wie ’n klökske" zag de alde dame
"Maar vergaet neet weej make de vastelaovend same
Juus det samespel, det pas in ôs sträötje.
Zoe doon weej det heej, dök op snip en äörtje".
Veur mich ’n klaore wiésheid zonder gemaar,
maar waat vinds dich,
Zeg dich ’t maar…