Vekansie
De vekansieperiode steit weer veur de deur. Vuul minse gaon op korte termien geneete van eure waal verdeende rös.
De 3-kes kint genne vekansie. Weej gaon auk de kommende waeke door en probere weer alles good op te zette veur 't nieje seisoen.
Deese site gaef informasie euver Groët Venloosch Vastelaoves Gezelschap De 3-kes.
Meld dich via deese site aan veur de digitale niejsbreef en ontvang 't letste niejs in dien eige posvak.
Ingoeïe 2010 suksesvol Zaoterdaag 19 juni stond 't traditionele Ingoeïe van De 3-kes op 't programma. Veur de 9e kier ging 't gezelschap de Maas op. 's Morges woort iérs gezamelik tomatesoep gegaete. Dit waas 'nne gooje baom veur 't middaagprogramma. In Arce woort gekeke nao 't voetballe en op de truukwaeg woort daadwerkelik ingegoeïd. Nar Ralph I moch de fles de majjum in kiépe. We haope netuurlik det dees aksie weer leidt tot 'n good vastelaovesseizoen. |
Lanny hertelik bedank Tiédes de jaorvergadering hebbe weej aafscheid genaome van ôs ziér gewaardeerd lid Lanny Roest. Nao 2x3 jaor lidmaotschap haet hae beslaote um te stoppe as aktief lid van g.v.v.g. De 3-kes. Netuurlik respektere weej zien besloét, al vinde weej 't waal hiel erg jaomer. Lanny haet zich mit name ingezatte veur 't relatiebeheer mit ôzze Stoékers. Beej zien aafscheid goof Lanny aan det weej altiéd un beroop op um meuge doon... en dao gaon weej netuurlik gebroék van make. |
Nieje en huidige Stoékers bedank Tiédes ’t veurjaor haet De 3-kes weer ’n aantal bedriéve oét Groët Venlo meuge verwelkômme as Verdeenstelik Lid. Weej zien d’r erg gruuéts op det d’r zoëvuul minse ôs ’n werm hert toedrage. Gaer zette weej ôzze nieje stoékers in ’t zunke. De Vakman, Giesen Transport, Truijens Uniparts, Jadi Inteieur en Fred van Wijlick Tuinen. Klik heej veur alle stoékers van De 3-kes |
Laes mier... |
